Shillong, Naiwieng 18: U Chairman jong ka empowered committee ha kaba ia 
dei bad ka rukom pynbeit ia ka rukom lum khajana na ki mar ki matta ha ka Ri India ia kaba la tip kum ka “Goods and services tax” (GST) jong ki myntri pla pisa jong ki sorkar jylla u Abdul Rahim Rather u la ong ha ki nognthoh khubor mynta ka sngi ha Shillong ba ka jingialang ka la shim ia ka rai ba ia ka kyiad bad ia ka umphniang ba pyndon kam ha ki kali ymd ei ban pynngat ha ka GST.
Ka jingshim ia kane ka rai ka long na ka daw ba bun na ki jylla ha ka Ri India ka jingioh ka jong ki ka dei tang na kitei ki ar tylli ki mar kiba la pyndon kam paidbah. La ong ba ha kane ka jingialang kaba la long mynta ka sngi ki la shim ia bun tylli ki rai bad ka committee kan sa phah sha ka sorkar pdeng ban pass ia ka hapoh parliament ban long ain.
U Rather u ba dei u myntri pla pisa jong ka jylla Jammu bad Kashmir u ba bat ia kane kane kam Chairman jong ka Empower Committee u la ong ba ka sorkar pdeng ka la mang pisa T.9000 klur tyngka ha u snem mang tyngka 2013-2014 ban siew sha ki jylla kiba la duh nong na kane ka jingpyntrei kam ia ka GST.
Ha kane ka rukom pyniaid ia ka jinglum khajna bun na ki jylla ki la pynpaw ba ia ka jingialong kyrpang kaba ka sorkar pdeng bad ki sorkar jylla ki don ia la ki jong ki jong ki bor umd ei ban pynthud, ia kane ka jinglong dei ban pynneh. Ia kane ka rai ym sap hah sha ka sorkar pdeng.
Haba jubab ia ka jingkylli ha kaba ia dei bad ka jingduh jong ki jylla ka dong shatei lamih ngi jong ka Ri India na ka daw jong kane ka GST, u Chairman kane ka Empower Committee u Rathar u la ong ba ka don ka committee kaba dang khein mynta bad ban ong katno ka jingduh ym pat lah ban iathuh.
Kane ka Committee ka pyrshah ban pynrung ia ki kyndon 92 D bad 54 A ha kane ka bill kaba la pynkhreh mynta namar hapoh jong ka Riti synshar jong ka Ri India kaba 246 A ka la ai bor ia ka sorkar pdeng bad ki sorkar jylla ba kin pyntrei kam ia ka GST.(SP News)
