Shillong, Iaiong 03: U Chief Executive Member jong ka Khasi Hills Autonomous District Council u Bah PN Syiem u la kren shai ba ka Garo Hills Autonomous District Council kam lah ban register ia ki jaka kiba hap hapoh jong ka KHADC, kane ka bym lah ban long u la ong.
Haba kren ha u SP News Agency u la ong ba haduh mynta ympat ioh jingtip ei ei ruh em b aka don kata ka jingregister ia ki jaka ha South West Khasi Hills sha ka GHADC, la da kata ka long kaba shisha na ka liang jong ka KHADC kahap ban pan jingshai na u Syiem ba dei peit ia kata ka jaka.
Haba ia dei bad ka sketch kaba la register da ka GHADC ha ka 18/7/2012 ia kaba la soi da u superintendent ia kaba la ai bor hapoh ka kyndon ain 76 Act 1 jong u snem 1872, ia kane ka sketch map unongsoi u la thoh for superintendent.
Ha kane ka map lapyni ruh ba kala don ka jingthoh hapoh ka tnad Revenue jong ka GHADC Tura iaka kaba la thoh G.D.C Tura. Ia kane ka map la compared da u O/A ka tnad revenue branch GDC Tura.
Ki jaka kiba la register da ka GHADC, ki kynthup ia ka Amarsang, Umtongkut bad kiwei kiwei ki jaka kum b aka paw ha katei ka sketch map bad katkum ki jingtip kiba la ioh da u SP News Agency kitei ki jaka ki dang hap hapoh u pud u sam jong ka Hima Nongstoin kaba dei hapoh West Khasi Hills mynshuwa bad mynta kala hap sha ka South West Khasi Hills District.(SP News)
