Tura, Oct 01: Ka jingshah kem jong ki 25 ngut ki dkhot jong ka GHSMC ka la buh ia kiba bun ha ka jingehm da ka jingwan jong ka seng sain pyrthei ka GNC ban dawa ba dei pynlaitnoh ia ki la mih sha khmat sa ka seng lehnoh GNLA kaba la khot ar sngi lynter ka pakhang. Na ka liang jong ka GSU ka ong ba ki ruh ki kwah ia ka Greater Garo Land hynrei kim sngew tynnad pat ia ka jingkhot pakhang shnong kaba khlem buh por.
U president jong ka GSU u Tongsak G Momin u la pynkynmaw ba ka jingdawa ban ioh ia ka Greater Garo Land ka la sdang naduh ki snem 1899 haduh 1916 da u Sonoram R Sangma ha shuwa ka thma bah ba ar.
Une u nongialam joong ka seng GSU u la ong ba naduh katei ka por ka la don ka jingdawa ba dei ban pynioh ia ka Greater Garo Land kaba kynthup ia ki Garo kiba don ha ka jylla Assam bad Meghalaya. Haba ia dei bad kane na ka liang jong ka GSU ka la pynlogn ia ki jingdawa na ka por sha ka por da kaba pynlong ia ki jingiakhih, hynrei ha kane ka kynti kaba mynta ka GSU kam kwah ban iohi ba ki paidbah kin jynjar.
Ka GSU ka la pynim ia kane ka jingdawa ha u snem 2010 hapoh ka jingialang jong u president Andreas T Sangma. Ha dien kane ka GNC ka la prat lynti biang hynrei hapdeng ka jingialeh ka GNC kam shym la jop ha ka election.
Ka jingdawa ban ioh ia la ka jong ka jylla Greater Garo Land ka ban kynthup ia ka Kamrup bad ka Goalpara ka long kaba don kam. Na ka liang jong ka GSU ka pynshai ba ka GSU ka ieng halor ka nongrim ba dei ban ioh ia ka Greater Garo Land bad kan dang iai bteng ban dawa haduh ba kan da urlong . (SP News)
