Shillong,Nohprah,09:Ka Hynniewtrep Achick National Movement(HANM) jong ka Central body ka la pynlong ia ka jingialang ba kyrkieh mynta ka sngi ha Press club ia kane ka jingialang la pynlong da baroh hynniew tylli ki district bad baroh ki nong kit kam jong kane ka seng ki ia poi lut.
U Bah.kharbani President jong ka HANM mynta ka sngi haba kren ha ki nongthoh khubor U la kyntait mardor ia ka jingong ba ka seng kala kad arliang,kane ka long kaba bakla kam shym long kumta,hynrei dei tang ki san ngut hynriew ngut ki dkhot jong ka seng kiba la kam kumta, bad kine ki la mih na ka seng mynta bad kim dei shuh ki briew jong ka seng..
La ong ruh ba ki la mih ki jingthoh ha ki kot khubor ba u ba L. Kharbani nongialam ka seng u la leh don bor beit marwei hynrei halor kane ruh ym shym dei kumta,bad la pynlong kyrkieh iaka jingialang mynta ka sngi khnang ba kan ym don kano kano ka kynrum kynram bad ki paidbah kin ym sngewthuh bakla.
Katba u bah Damonmi Dkhar u ba long u general secretary u la ong ba lada kino ki no ki briew kiba kwah ban wan rung seng ki dei ban don ka jingthmu na ka bynta ka ri bad ka jait bynriew hynrei ym da kum wei pat,u la iathuh ruh ki dkhot jong ka seng baroh ki don palat ia ka san hajar ngut.
U la iathuh ruh ba la jied iaki nongkit kam ba thymmai jong ka seng ha kaba u la jied ia u bah Damonmi Dkhar kum u general secretary,ka kong PT Jyrwa ka Finance secretary, bah Kyrshanbor syiemlieh Publicity,u bah Dangdonbok Shylla Sport secretary,bad u bah Humble Wahlang Disciplinary secretary.(SP News)
