Shillong, Risaw 20: U Nongai ktien jong ka seng HNLC u bah Sainkupar Nongtraw ha ka kyrwoh kaba la phah sha ki lad pathaikhubor, la ong ba ka seng kam shym la don kano kano ka jingpyrshah ia ki nongbylla sngi hynrei ka iing na ka bynta ka jaidbynriew.
Ha kajuh ka por na ka liang jong u tei u nongai khubor jong ka seng HNLC u la kyntu kylla ia ka ICARE ba kan ia trei lang bad ka seng na ka bynta ka jaid bynriew kaba don mynta ha pdeng ka jingma ban sa duh jaid bad ha ka juh ka por la ong ba ka ICARE ka dei ban kren pyrshah ia ki kam bamsap kaba dei ka pisa jong ki paidbah.
Ha ka juh ka por ka khot ka wer ia kito ki nongialam sengbhalang kiba la shah thwet ha ki bor sorkar ba kin pyniasoh bad ka seng HNLC ban ia khun pyrshah ia ka sorkar da ki kteng suloi na ka bynta ka bha ka miat jong ka jaidbynriew.
Na ka liang jong ka seng HNLC ka la kyntu ia ki paidbah ba kin sngewthuh ia ka nongrim kaba ka seng ka ieng lyngba kane ka jingrakhe ia ka jingdap 25 ka sngi iap jong u Pa’iem Wickliff Sing Syiem, La kyntu ia baroh ba kin ai ka jingiatreilang bad ka seng.
Ka HNLC ka la ong ba ka seng Congress ka dei ban shim ia ka jingkit khlieh ia kane kaei kaba jia mynta namar dei na ka jinglehmeinoh ki nongialam jong ka seng Congress bad ka sorkar ka dei ban shim ia ka jingkit khlieh, la ong u bah Nongtraw ha ka jingpynlait khubor ka jong u.(SP News)
