Shillong, Naiweing 28: U myntri rangbah ka jylla ub Dr Mukul Sangma u la ong ba ka jingpur kane ka jingdawa ILP ha ka jylla Assam, ka long kaei kaei kaba sngewkhia bha, namar ka jylla Assam ka la shah ktah bha na kane ka jingwan ki briew kiba na bar.
Ia kane ka bynta mynta hap ban peit bha ba balei ka mih kane ka jingdawa ILP ha ka jylla Assam, ka daw ka lah ban long ba ki la pyntrei kam ia ka principle act of Bengal Regulation Act of 1873 ha ka por ba ka Bengal Frontier Regulation act jong u snem 1873 ka trei kam ha ki district kiba hap hapoh ka jylla Assam kum ka Kamrup, Nogaon, Lakhimpur bad kiwei, leh se ki la peit bha ia katei ka ain.
Kumba ka long ka jylla Assam ka kham shem jingeh namar la jyllei ki briew kiba na bar bad leh se kane ka jingdawa ka wan na ka daw ba ka jylla ba marjan ka don ia shibun ki mynder ri kiba la leit ban buhai shnong.
Haba jubab ia ka jingkylli ha kaba ia dei bad ka Inner Line Permit (ILP), la ong ba ka sorkar jylla kam lah ban pynkylla ia katei ka ain ka hap ban kyrpad ia ka sorkar pdeng bad ki ba bun ki MP ki dei na kiwei ki jylla.
U myntri rangbah u la ong ba ka ILP kan nym iarap ia kano kano ka jylla hynrei kan ktah ia ka roi ka par jong ka jylla, kane ka long ka juab halor ka jingkylli ba ki seng bhalang ki dawa ban pyntrei kam ia ka ILP ha ka jylla.
U myntri rangbah u la ong ba hap ban daw bishar bniah ba balei kane ka jingdawa ia ka ILP ka wan kumne, u la lada baroh ki jylla ki dawa ban pyntreikam ia ka ILP kan jia aiu ia kiba kwah ban leit sha kata ka jylla.
U myntri rangbah u la ong ka long kaba don kam ban don ia ka bui ban pyniapher ia u trai shnong bad ia ki briew kiba shu wan na sha bar la ong u myntri rangbah. (SP News)
