Shillong, Nailur 02: Bah Saiñkupar Nongtraw Publicity Secretary,HNLC ha ka kyrwoh kaba u la phah mynta ka sngi sha ki lad pathai khubor u la ong ba ka inner Line Permit Kam shym don jingiadei eiei bad ki ‘Foreigners.
U tei u nongai ktien jong katei ka seng u la buh ka jingkylli ia ka seng Congress ba lada ka sngewkhia ia ka jingwanrung ki mynder ri sha kane ka jylla balei kam kren ei ei ha kaba ia dei bad ka Indo- Nepal Treaty kaba la ia soi ha u snem 1950. Dei lyngba kane ka Treaty ba briew na ka Ri Nepal ki la ioh ban wanrung ha kane ka Ri India bad ban leh trai khlieh, kane ka la paw ha ka kyndon kaba 6 bad 7 jong katei ka jingiasoi ia ka soskular.
Na ka liang jong u ei u nongialam jong ka seng HNLA u la ong ba dei ka Congress kaba la ia soi ia ka iaka Indira-Mujib Treaty ha u Snem 1972 bad ka ri Bangladesh kaba pynlong iaki phetwir Bengali hindu na East Pakistan ha kato ka por (12million) ba kin poi shongtrai syndon ha ka thain northeast.
Hynrei Kaba sngewthamula ka long ba katkum katei ka jingiateh ha kane ka soskular(indira-mujib treaty) lah kdew shai haka Article Xi ba kane ka dei ban neh tang 25snem,hynrei wat la kane ka jingiateh kitei ki 2 tylli ki Ri ka lah kut naduh u snem 1997 pynban kam shym don kano kano ka jingiakren ne pynbeit thymmai naka liang ka Sorkar Congress.
Ka jingkylli ka long, hato mano ba pynlong ain bad ia soi ia kitei ki ar tylli ki soskular? Balei ka Congress ka kyntait ia ka Three Tier Cards bad ka Foreign Act ym pat ia ka Inner Lime Permit. Ka jingkwah jong ka congress ban pyntreikam ia ka Foreign Act lymne ka three tier card ka dei tang ka ‘kambiej'(Political nonsense) bad Kineki Aiñ kim don Nongrim lait satang lada ka kloi ban pynduh shuwa ia kitei ki Artylli ki Soskular ba lah iasoi daka Indian National Congress hi ha kitei ki snem mynshuwa(nyngkong bad ka ri Nepal 1950,hadien pat bad ka ri Bangladesh 1972)
Na kaliang jong u nongai ktien ka seng HNLC u la ong ba lada ym lah ban pynduh iaki kular kaba la ia soi bad ka Bangladesh ne ka Ri Nepal yn nym lah ban leh ei ei ia ka jingwantuid ki bar ri, hynrei kaba eh mynta ka long ba ka dei ka jingwan buhai shanong na kiwei ki bynta ia kabala tip kum ki inter state migrant. Ban pynim ia ka jaid bynreiw ka long khlem kano kano ka jingshongkha khleh.
Wat la ka lah don ka jingpyrshang naki Nongialam ba Radbah ka Seng KSU haka por u bah Micheal Syiem bad u bah Bull Lyngdoh ha u snem 1979 bad 1987 pynban ka jaidbynriew jongngi ka dang ‘shongper’ haduh mynta mynne. Lada u PM barim ka Ri Bilat u Winston churchill u lah ban leh eiei tang hadien 3 bnai shuwa ba un shongthait na la ka kam lyngba kane ka slogan ba u pynkhih(keep Britain clean)Kumjuh ruh ka por ka ap ia u Dr Mukul sa kumba 4snem.
Kyntang waiwot , ka HNLC ka ai iaka jingkyrshan ba pura ia baroh ki sengbhalang kiba ialeh ban pynioh iaka Inner Line Permit Namar dei sa tang Kane Ka Aiñ ka ban long ka atiar ban iada kum ha kane ka pait-lieng(crisis) ka Jaidbynriew. Khublei Shibun Saiñkupar Nongtraw Publicity Secretary,HNLC, la ong ka kyrwoh na katei ka seng.(SP news)
