Shillong, Naiwieng 24: ka jaka ai jinghikai computer kaba nyngkon
g na ka liang jong ka sorkar ka la sdang ban trei kam ha Williamnagar ha East Garo Hills District. Ia kane ka jaka ai jinghikai la sdang na ka jingbei pisa lyngba jong ka Chief Minister career guidance. Kane ka jaka ka lah ban ai jinghikai 20 ngut ki samla ha ka juh ka por.
Baroh ki samla kiba la dep ban buh ia ki application ka jong ki ban ioh rung ha kane ka jaka ai jinghikai ki la don palat ia ka 100 ngut bad baroh kine ki dei na East GaroHills. Kane ka jinghikai ka long kaba la hikai ei khlem kano kano ka jingsiew kiba lah ban apply ban ioh rung ha kane ka jaka ai jinghikai dei tang kiba la pass matrik shaneng.
Ha kane ka jaka ai jinghikai ki la don ki briew kiba la tbit ia kane ka kam, la ong u Enoch Sangma, District Information Officer, National Informatics Centre u ba ai ia ka jinghikai sha ki samla mynta. Na ka liang jong ka District Administration kin wanrah ia ki nonghikai kiba tbit ban ai jinghikai sha ki bynta kiba kham sha lor ha ka liang jong ki computer.
Kane ka jaka ai jinghikai mynta ka hikai tang ia ki bynta kiba don kam eh kaba pyndon kam ha ki jingtrei kam kiba man ka sngi, kum ka Microsoft Windows, Microsoft Office, DTP bad kiwei kiwei kane ka jinghikai ka long tang ban wanrah ia ka jingshlur ha ki samla ba lada ki kwah ban pule kham sha eng ha kane ka bynta bad kane ka long ka jingkyrkhu ia ki samla ha katei ka District kaba dap tang da ki kam lehnoh.
Ia kane ka jaka la plie da u mytnri ba dei peit ia ka tnad ialehkai jong ka sorkar jylla ha kine ki sngi ha ka por ba u leit ban jngoh ia katei ka District. Kumba ka long mynta ka jinghikai ka long ar sien ha ka sngi sngi kaba mut ar kynhun.(SP News)
