Shillong, Lber 05: U myntri rangbah ba thymmai jong ka jylla u Dr Mukul Sangma, u la ong ba ka jingeh kaba ha khmat eh ia ka sorkar ka jong u ka dei ka jingbym don kam don jam jong ki samla kiba la nang la stad.
U la ong ba na ka liang jong ka sorkar kan sa leh ia kaei kaei kaba ki paidbah ki angnud ha ka liang jong ka roi ka par bad kumba ka seng ka la kren ha ka jingkular election ka sorkar kan sa pyrshang ban pyndep ia ki jingkular.
Da kane ka jingjop jong na ka liang jong ka sorkar kan ialeh katba lah ban wanrah ia ki lad ki lynti kiba lah ban ai kam ai jam ia ki paidbah jong ka jylla bad ban kyntiew ia ki ha ka liang ka ioh ka kot hi baroh kawei da ki lad ba ki buit thymmai katkum kane ka juk kaba mynta.
Da ka jingdon jong sorkar UPA ha Delhi kane ka sorkar kaba la ialam da ma u kan ia leh katba lah ban khring ia ki lad bei pisa sha kane ka jylla na ka bynta ban wanrah ia ka jingkylla ha ka roi ka par jong ka jylla.
Na liang jong kane ka sorkar kaba u ialam kum ba la kular kan shim ia ka rai ban leh ia kaei kaei kaba bha tam na ka bynta ki paidbah jong ka jylla ha ki liang ba baroh ban pynurlong ia ka jingangnud jong ki paidbah.
Ha ka juh ka por na ka liang jong u myntri rangbah ka jylla u ai khublei ia ki paidbah kiba la mih paidbah ban ia shim bynta ha ka jingjied ia ki nongmih khmat ka jong ki. Kane ka jingiamih paidbah ka long ka jingjop ha ka synshar paidbah, u la ong.(SP News)
