Shillong, Nailur 13: Ka tand pule puthi jong ka sorkar mynta ka sngi ha ka jingpynlait khubor ka la ong ba ki la don ki jingiakhih da ki katton katne ki seng bad na ka liang jong ka tand pule puthi ka la seng khia bha ia kane ka jingiakhih.
Na ka liang jong ka tand pule pothi ka tip ba ki don ki kynhun jong ki nonghikai kiba don kti ha kane ka jingiakhih kiba la hikai ha ki ksul kiba la siew ia ka tulop ka jong kida ka jingiarap jong ka sorkar hynrei la pyniaid pat da ki managing committee jong ki skul kiba peit ia ki. Ia kane ka jingdawa ban Provincialisation ki dei ban ia kren nyngkong bad ki Managing Committee.
Na ka liang jong ka sorkar ka siew ia ka tulop jong ki lyngba ki Managing Committees kiba dei ki nongai kam ia ki la ki dei kiba hap hapoh jong ka Deficit-Aided badAdhoc-Aided system.Ka kamram jong ka tnad pule puthi ka long ban pynthikna ba ki nonghikai ki dei ban ioh ia ka tulop ka jong ki bad lada ka don ka jingslem ha ka jingioh ia ka tulop ka jong ki leh se ka dei na ka daw jong ki rukom trei kam ha ki District Office bad School Managing Committee.
Haba ia dei bad ka jingpyntrei kam ia ka State Education Policy, wat la ka cabinet ka la dep ban pdiang ha ka 19 tarik jong u Kyllalyngkot 2009, hynrei da ka jingwan jong ka RTE Act 2009 kumta ia ktei ka policy jong ka sorkar jylla la hap ban pynkylla.
Na ka liang jong ka department ka long kaba la kloi ban sam paidbah ia katei ka policy ban khot ia ki jingai jingmud na ki paidbah na ka bynta ban pynbha ia ka pule puthi ha ka jylla. La ong ka khubor sorkar.(SP News)
