Shillong, Risaw 13: U Superintendent ki pulit jong ka East Khasi Hills ha ka jingpynlait khubor mynta ka sngi halor ka jingkynthoh ha kaba ia dei bad ka jingiaid patrolling jong ka kynhun SWAT , u ong ba ka jingdon jong ki pulit ka long ban pyntrei kam ia ka ain.
La ong ba naduh ba ka don ka jingjia ha Motphran ka la don ka jingpyrkhat ha ki paidbah da kumwei pat, ka dei ka kamram jong ki pulit ban wanrah biang ia ka jingshngian ha ka jingmud jingpyrkhat ki paidbah.
Mynta la jan shibnai shiteng ki riew runar ki la pyrshang ban ktah kti ia baroh ki jaid bynriew, hynrei na ka liang jong ki pulit ki la lah ban kem ia ki briew kiba ka don ka jingsuba ba ki don kti ha ki kam sniew hynrei wat hapdeng kine ki jingtrei shitom dang don pat ki briew kiba kwah ban pynbud nam ia ka jingtrei kam ka jong ki pulit da kumwei pat.
Wat la ka long ha kano kano ka dur kum u heh jong ki pulit ba dei peit ia kane ka nongbah ki pulit kin dang iai bteng ban leh ia kaba ki dei ban leh katkum ka ain kaba la pynkhamti ha ki, la ong.(SP News)
