Shillong, Lber 21: U Lat ka jylla UR.S Mooshahary haba kren ha ka jingialang kaba la long mynta ka sngi ha North Eastern Council ban ia kren halor ka phang Look East Policy, u la ong b aka jingdon jong ki seng lehnoh ha kane ka thain ka la ktah ia kane ka policy kaba la pynkhreh da ka sorkar pdeng.
Ula kdew ba hapoh ka jylla Manipur wat la ka don ka ain AFPSA ban ia leh pyrshah ia ki kam lehnoh da kaba ai bor pura ia ki shipai hynrei ym shym la lah ban teh la kam ia kine ki jingeh. Ka jingdon jong ki seng lehnoh ka la ktah shibun ia ki kam pynroi.
Ka jingsah teng jong ki kam pynroi ha kane ka thain ka dei ruh na ka daw jong ka jingdon jong ki pakhang shnong kiba khah khah kane ruh ka la pynthud shibun ia ki kam pynroi, ka jingshah rah bor ka jingdawa pisa ka la buh ia kane ka thain ha ka jingsah dien.
Haba phai sha ka Look East Policy u la ong ba don kam ia ka jingiatreilang hapdeng ka sorkar pdeng bad ki sorkar jylla jong kane ka thain ban long ia kane ka policy kaba jop.(SP News)
