Nongstoin, Iaiong 17: U Deputy Commissioner jong ka West Khasi Hills District u la iathuh ba katkum ka jingkhein kaba la dep haduh mynta ka jingduh ha kane ka jingshah lynshop ha ka mariang ka la palat ia ka shiphew klur tyngka.
Haba kren ha u SP News Agency u la ong ka pisa kaba la phah da ka sorkar T.25 lak ka long tangban iarap ia kito ki briew kiba don kam kyrkieh eh namar ba kim don iing don sem shuh. La iathuh ban a ka liang jong ki bor jong District ki la pan shuh mynta na ka sorkar sa T.73 lak ban ai sha kito kiba khlem pat lah baniarap ia ki.
La ong ba kane ka pisa kaba pan mynta ruh ka dei shuwa tang na ka bynta kito ki long iing kiba la duh lut ha kane ka jinglynshop jong ka mariang khlem pat da khien ia ki iing kiba shah rat shiteng shiliang. Ki dang don kam shibun ka pisa ban iarap ia ki lanot kiba la ngat ha kane ka jinglynshop jong ka mariang.
Naka liang jong u Deputy Commissioner u da kyrpad eh ia ki seng bhalang bad ia ki riew shimet ba kin sngewbha ban noh syniang lem da kaba aid a ki tiar ki tar lane da ka pisa ruh. La iathuh baki riew shimet mynta ki la sdang ban wan ai jingiarap bad kumba ka long mynta ka pisa ka la jan kynjoh sha ka shilak tyngka na ka jingnoh syniang jong ki paidbah.(SP News)
