Shillong Naitung 02: U Minister jong ka tnat u la khot jingialang iaki nong pathai khubor ban pynbna ba lada ka sorkar ka lah ban bhah la ka jong ka Department na ka bynta ka PMGSY hnang ban pyntreikam ia ki suok.
Haba iakren halor jongka jingshna ia ki surok ha kiba bun ki jaka u la ong, “Ka jingtreikam ka long kaba bun, hynrei na ka daw ba duna palat ka fund ne ka pisa, bun na ki surok ki hap ban sangeh pyntreikam noh”.
Haba kylli pat shaphang ka Jingkieng ha Dawki kaba shu dang shu plie thymmai une u Minister u la iathuh “Ka daw jong ka jingslem ban pyntreikam ka long ba ki contractor ki pan ia ka dor kaba heh na ka bynta ban shna ia kane ka jingkieng, wat nalor ia u maw nongrim lah dep ban pynieng lah kham slem ruh, ka jingpyntreikam pat ia kane ka jingkieng kam pat da sdang haduh mynta”.
Shuh shuh haba kylli pat na ka bynta ka jingkieng Simsang kaba don ha East Garo Hills u la ong, “Namar ba nga dang shu shah jied kum u myntri ban peit ia ka tnat PWD tang ha kine ki lai bnai ba lah dep, te ngan sa wad ia ki jingshisha kaei kaba jia na ka bynta kane ka jingkieng.”
Haba kylli shaphang halor ka jing iabuh dor bad ki tender u la ong, “Kane ka iaid katkum ka jingbthah jong ka sorkar, ha kaba u nongtei uba buh ia ka dor ba duna u kham ioh ia ka kam.” Ia ka jigkiew dor pat kano kano kam ha PWD ka long ka bym lah ban kiar na ki por sha kip or, namar kane ka shong ruh ha ki jait kam kiba pher bapher.
Na ka liang jong nga kum u Minister nga lah ialeh kat ba lah ban pynbor ia ka Central Government na ka bynta ki skhim bapher bapher bad nga khmih lynti ruh ba ka sorkar India kan pdiang ia kane ka jingpan jong ka State Government.(SP News)
