Shillong Jymmang 04: Ka Khasi Students’ Union Mawlai (KSU) Circle ha ryngkat ka jingiatrei lang bad ka Lamjingshai TI Project kan pynlong ia ka Awareness Programme on HIV AIDS cum Free Health Camp ha Mawlai Phudmuri Nongmadan ha ka 6th mynta u bnai ha ka por mynstep.
Katkum ka kyrwoh na u samla D.Sawkmie Publicity Secretary KSU Mawlai Circle ula pynpaw ba ka jingthmu jong ka seng ban pynlong ia katei ka Awareness, ka long ban kyrsiew ia ka Jaitbynriew khamtam ia ki paidbah nong Mawlai, ba kin tip bad phikir shaphang ka jingsdang ban kharoi jong kane ka jingpang wat sha ki bynta jong kane ka thain.
Kumta, ka seng ka khot bad iawer kyllum lang ia ki nong shong shnong ka shnong Mawlai naduh ki samla pule, ki nongshong dukan, ki Driver Association, ki nongkit kam shnong, ki nongkit kam sengbhalang haduh ki riew paw khmat ne riew donburom ba phin iapoi lang ha katei ka prokram ai jinghikai, ha kaba ki riew shemphang na katei ka tnad, kin wan ban ai jinghikai bad jing sumar ei.(SP News)
