Shillong, Jylliew 29: Da kajingthmu ban pynlong ia ki dong jong ka Mawlai ba ki samla pule kin ialeh ban kiew sha jrong na ka liang jong ka seng Samla Mawlai Pyllun kala pynlong ia ka jingpynkup burom ia kito ki samla kiba la pass bha ha ka examin ka jong ki ha ki kyrdan bapher bapher.
Baroh ki samla kiba la shah pynkupburom ki long 37 bad kine kilong tang kito kiba la pass bha ha ka matrik bad ka XII, haki CBSE bad ICSE. Ia kine ki samla la ai da ki certificate bad ki jingsah kynmaw .
Ha ka jingkren jong u Syiem ka hima mylliem u pa;im Latho Manik Syiem u la ong ba ka jingnang jingstad ka long kaba don kam tam ha ka jingim, khlem ka jingnang jingstad ka jingim ka long thylli.
Ka jingnang jingstad kam dei tang ban tip hynrei ka long ruh ia shibun kiwei ki jingdon kam la ka long ha ka trei ka ktah bad ka koit ka khiah bad ha ka jingim kaba man ka sngi.
Haba phai pat sha ka imlang sah lang naka liang jong u Syiem ka hima mylliem u kdew ba ka la long briew man briew ka la hiar ha ka akor ka burom, haka juh ka por u la ong ba ka jingdon ki tiar ki tar ban pynsuk ia u briew ka la pynhiar ia ka jingim jong ki samla ha kane ka juk mynta.
Na ka liang jong u Syiem ula ong ba ka jingiabut tyngneng ia ki jingleh jong ki briew kiba na sepngi ka la rung ha ka imlang sahlang jong ka jaid bynriew bad kane ka la pynhiar dor ia ka long briew man briew, u la ong ha ka jingkylla jong ka por ban ia bud ia kiwei dei ban kynmaw ruh ia ka jong ka tynrai ban pynneh pynsah ia ka. Na ka liang jong u Syiem u la ai sngewbha T.10000 /- tyngka ia ka seng samla Mawlai pyllun.(SP News)
