Shillong, Jymmang 30: Ka Confederation Of Ri Bhoi people (CORP) mynta ka sngi ka la pynlong ia ka jingiatai nia halor ka phang ba la buh da ka ne ka seng “ Ka lynti Rel ka long ka jingmyntoi ia ka Jylla Meghalaya” bad kane ka jingiatyrko kaba la long ha Nongpoh kala plie ia ki khmat jong ki paidbah ban ia pyrkhat.
Ha kane ka ia tyrko kila don ar kynhun kawei ka liang ba pyrshah ia ka phang ba la buh bad kawei ka kynhun ka long ba ki kyrshan ia ka phang ba la buh da ka seng kaba khot ia kane ka jingia tyrko.
Ha kane ka jingiatyrko ka liang pyrshah kala ioh 145 point bad ka liang ba kyrshan kala ioh 140 point. Kane ka jingiatyrko kaba la pynlong mynta ka sngi da ka CORP kala long ka jingplie ia ki khmat jong ki paidbah ha kaba ia dei bad ka lynti rel ha kane ka Ri Lum Khasi lada dei ban don ia kane ne kyntait ia ka.
U Dr DRL Nonglait u ba long kum u kongsan ha ka tei ka jingialang ha ka jingkren ka jong u la ong ba ha kaba ia shim bynta ha kane ka jingiatyrko kim dei ban don kano kano ka jingiashah liang bad na ka liang jong u ym lah ban ia shah iano iano ruh ka dei ban ia kren beit ia ka phang kaba ki dei ban ia kren.
U Dr Nonglait u la ong ruh “nga kwah ban pynsngew haphi ki paidbah ia ki ki lai tylli ki mat kita ki long ki jaka hapoh rilum Khasi bun mynta ki la jah bad la nang duh noh namar ba ba la pyniasnoh bad ki wei ki jylla,kawei dei ma ngi ban iada ia ka hok longtrai bad ba ngin rai bad nga buh ia kane ha ka jingiamon jong u ba bun balang, bad ngi dei ban long kiba shynrang mynsiem kiba stad , bad kiba tbit. U la ong bay m dei ban ia kdew kti iano iano ha ka por ba ki ai jingkren.
Ka jingia kop ia tyrko ha kane ka sngi ka long ba shongshit bad pynkhih jingmut ia ki paidbah bad ha katei ka jingia tai nia ha ka tei ka sngi dei ka liang pyrshah kaba la ioh ia ka jingjop haba ki ia tai halor ka tei ka phang “ka Lynti Rel ka long ka jingmyntoi”
Kat kum ka jingiatai nia haka tei ka sngi ka liang pyrshah ka la pyni bad sei ia la ki jong ki nia kiba shong nongrim, ba bun ki nongkren na ka ne ka liang ki ong ba lada wanrah ia ka lynti rel ha kane ka jylla shibun bah ki duh jingmyntoi ki wan ki jingsniew ba har rukom ki nang jyllei bad long kum ba wanrah ia ka bih ha kane ka Ri Khasi jaintia lada ka lynti kan wan ong ka tei ka liang pyrshah.
Khamtam eh ruh ka jingwan tuid bad wan jyllei ki bar jylla kala nangiohlad, khamtam ba ka Ri khasi bad Jaintia ka long kaba dang ri haduh katta katta kan sa shah tyllep ha ki nongwei, bad lada ngin shah ban tih ia ka lynti rel ka Ri jong ngi kan sa duh jait noh, kawei ruh ka long ka sa roi ha ia shongkha klheh bad ki bar jylla la ong biang ka tei ka liang.
Ha ka tei ka jingia kop ia tyrko haka tei ka sngi ka Erwanmiia Nongsiej ka la wan ba Nyngkong haka jingiatyrko na ka liang pyrshah ka al ioh 145 points, ba wan ba ar ka kong Riskhem Muktien ka la ioh 140 points na ka liang kyrshan, bad ba lai ki don arngut ka Ebanisha Pathaw na ka liang kyrshan bad ka Eva Kharkrang na ka laing pyrshah ki la ioh mar katjuh ki points.(SP News)
