Shillong, Risaw 13: U President jong ka seng FKJGP seng Kmie u Bah Joe Marwein ha ka kyrwoh kaba la pynlait paidbah mynta ka sngi u la ong ba kane ka jingkem pathar jong ka sorkar ia ki nongialam ka long kumba ai ding ha ka jaka ba kan wad ki lad ki lynti kumno ban tem.
Ka FKJGP ka pynrem ia ka jingkem jong ki pulit ia U Information Secretary Central Body u Bah Eldie N Lyngdoh bad suba ba u don kti ha kaba kawang petrol bom ia ka puja pandal ha Umsning.
Kane ka jingkem bad suba jong ki pulit ka long ka bym shong nongrim namar na ka liang jong ki 10 sengbhalang ki la dep pynsangeh shipor ia ka program jingiakhih ha ka nongrim ban burom lem ia ka jingleh niam jong kiwei pat ki jaitbynriew.
Namar ba ki pulit kim shim la ioh bad kem ia ki briew kiba don kti ha kaba kawang petrol bom ia ka puja pandal ki la kem noh ia u Bah Eldie tang namar ba u la don sha ki thain umsning.
Ka jingthmu jong ka sorkar ban kem bad pyngat ha ki case bapher bapher ia ki nongialam jong ka seng ka long pynban kumba ai ding ia ka jingiakhih ha ka jaka ban thaw ia ki lad ban pynjem ia ka jingiakhih.(SP News)
