Jowai, Naiwieng 29: Ka Jaintia Students’ Union (JSU) sengkmie ka dap daka jingsngew lyngngoh kaba ha duh katta katta ha dien ba la iohi iaka jingkren jong
u Chief Minister ha ki lad pathai khubor ha kaba u la ong ba Ym donkam
iakren shuh iaki Sengbhalang halor ka ILP katba ha kine ki kyndiat
sngi ba la dep pat na ka liang u bah Rowel Lyngdoh Dy. Chief Minister
u laong ba ka jingkhang ka plie ban ia kren halor ka ILP. Hato ka don
aiu sha lyndet halor ka jingkren lane pyllait khubor jong kine ki
arngut ki nongialam ba ha khlieh duh jongka Jylla jongngi. Hato kim
don shuh ka juh ka jingmut lane ki shu kren tang ban pynkulmar iaki
paidbah jongka bri u Hynniewtrep?
Na ka liang ka JSU haba pyllait ia kane ka kyrwoh khubor na ka liang u
General Secretary Samla Emperor Bareh u la ong ba ka JSU ruh kam sngew
donkam shuh ban iakren bad u Chief Minister lane bad kino kino ki
Minister lada ka jingiakren ka shuh kut tang ha suin khlem lah satia
ban shim iaka rai halor ka mat jingdawa ki sengbhalang kata ban
pyntreikam iaka ILP hapoh ka Jylla jongngi, namar ngi kum ki
Sengbhalang bapher bapher ngi la ia kynduh bad iakren sani bha bad ka
Sorkar naduh ka sorkar kaba la dep bad ruh ha kane kaba mynta hapoh ka
jingpyniaid hi jong u Dr. Mukul kum u Chief Minister.
Kum ban shu pynkynmaw ha kaba iadei bad kane ka mat jingdawa wat ka
HLC bala khlieh daka u Bah B.M Lanong U ba dei ruh kum u Dy. Chief
Minister ha kato ka pot kala shim iaka rai ban pyntreikam iaka ILP
hapoh ka jylla, hynrei ia kane ka la kyntaid hiwar da u Chief Minister
Dr. Mukul Sangma, bad kane ka pyni ba ki MLA lane ki Minister kim don
dor ei ei ha khmat jong u Dr. Mukul Sangma.bad ka jingthung iaka HLC
ka long tang ban Pyllut kai ia ka por. Hato ha kaei ka nongrim ba ki
paidbah kin shaniah ia kane ka Sorkar kaba mynta?
Ha ka juh ka por ka JSU ka sngew thamula ba u Dr. Mukul Sangma u iam
Rangbah ha ka por ba ai jingkren ha khmat ki samla pule haka
Convention? Hato kane ka iapher ia kata kaba ki ong kaUmmat Arsap
(Crocodile’s Tear ) sa pyrkhat bad bishar maphi ki paidbah kum ki trai
ri trai muluk kiba don ka jingbah khlieh iaka pateng jong ka Ri bad ka
Jait bynriew jongngi.
Khatduh eh na ka liang ka JSU ka buh iaka jingkyrpad iaki paidbah
baroh kynthei bad shynrang kyrpangeh iaki paidbah jongka Ri lum
Jaintia ban iawan sha ka jingialang paidbah haka 30/11/2013 ha ka por
12 baje mynsngi da ka mynsiem kaba dap shynrang bad daka mynsiem kaba
don ka jingbah khlieh iaka im ka iap jongka Ri bad ka Jaitbynriew
jongngi. Pynkut ka kyrwoh khubor na u Samla Emperor Bareh General
Secretary JSU.(SP News)
