Ka jingkhyndang ia ki iing ha Umsawli ka long pyrshah ia ka hok long briew: MPHRC

Shillong, Naiwieng 12: Ka seng ba dei peit ia ka hok long briew man briew ha kane ka jylla ka MPHRC ka la ong ba ka jingkhyndang jong ka  Meghalaya Urban Development Authority (MUDA) ia ki briew na Umsawli ka long pyrshah ia ka hok long briew man briew, ka seng ka shim ba kane ka jingleh ka long pyrshah ia ka hok long briew.

Kane ka jingleh kala pynlong ia ki briew ba kin shong khlem ing khlem sem ha kaba ka UDA kam shym la iarap ia ki briew bad ka la pynlong ia ki ba kin long ki phetwir ha la ka jong ka Ri.

Kane ka jingleh ka la pynlong ia ki briew ba kin long khlem iing khlem sem. Shuwa ba ka MUDA kan khyndang ia ki na katei ka jaka kam shym la peit ia kaei kaban jia ia ki hok long briew man briew.

Ka dei ka kam jong ka sorkar ban ai jingiarap ia ki briew kiba shah ktah na kane ka jingpynpra ia ki iing ki sem bad ka sorkar kan lah ban thet kti na kane jingjia  khlem da ai jingiarap.(SP News)