New Delhi, Kyllalyngkot 25: U president jong ka Ri India ha ka jingkren ka jong u sha ka Ri baroh kawei shi sngi shuwa ba ka ri kan rakhe ia ka Republic day, ha ka jingkren ka jing u la kynthoh jur ba ka bamsap ka long kum ka jingpang bampong ha ka synsahr paidbah.
Na ka liang jong u president u la ai khublei kyrpang ia ki kynthun shipai baroh kiba don ha ka jingiatrei ban iada ri. Kane ka sngi kaba ynsa rakhe ia ka jingdap 64th snem ka Republic day ka long ka jingsarong ia u wei pa u wei u nongshong shnong jong ka Ri.
Dei ha kum kane ka sngi ba ki paidbah kane ka Ri kila ai ha lade ia ka jingsynshar da kaba lait na ka kti jong ki nongwei bad ka ri India kala kylla long ka Ri kaba laitluid. Ka synshar paidbah ka dei ka bynta kaba kongsan ban ialam sha ka shong suk shongsian.
Ka synshar paidbah kam dei ka jingai hynrei ka dei ka hok kaba kongsan jong ki paidbah bad ka synshar paidbah ka jingshaniah kaba long kyntang bad kiba pynkhien ia ka ki leh ia ka kam sang pyrshah ia ka ri. Ki jingiakhih ki mih kane ka long ba ki paidbah ki sngew ba ia ka hok ka jong ki la pynkhein.
Na ka liang jong u president u la kynthoh ruh ka jingarsap ka long kaba ma shibun, u la ong ba ha ka por election wat kular ia kaei kaba ym lah ban pynioh sha ki paidbah bad kane kan long ka jingma kaba khraw bad ki briew kiba don ha ka bor kin shah pynkylla soh pdung.
Ha ka jingkren na ka liang jong u president u la ong ba ai kane ka snem 2014 kan long ka snem jong ka jingpynjem na ki jingmong namar ha kine ki snem kiba la leit noh kala wanrah ia ka jingsngewsih ha ka liang jong ka sain hima sima.
Ha kine ki snem kiba la leit noh ka Ri India kala kiew ha ka ioh ka kot hynrei mynta ar snem kala hiar ha kiba bun ki liang hynrei mynta kala sdang ban kiew biang. Ai ba kane ka snem 2014 kan long kaba sah kynmaw ha ka history.
Ban pynlong ia kane ka jingjop ha kaba ia dei bad ka ioh ka kot ka long ba ka Ri ka dei ban ioh ia ka sorkar kaba skhem. Dei ha une u snem ba ka Ri kan sa leit sha ka general election kaba 16th ha kaba kum ki nongshong shnong ki long ki nongthep vote bad ki don ia ka jingkit khlieh ym dei ban pynhiar kyrdan ia la ka jong ka Ri.
Ha ka synshar paidbah ka mih ka jingiakawang ktieh hynrei ka dei ban don ruh ka lynti kumno ban wanrah ia ka jingia sngewthuh jingmud bad ka dei ban long ka jingiatreilang, kum ki paidbah nongshong shnong jong ka Ri dei ban wad hi kilad ki lynti kumno ban pynbeit ia ki jingeh.
Ha kane ka sngi u president u la kdew ruh ia ka pule puthi, u la kdew ruh ia ki kam lehnoh kaba ki ialeh kumno ban pynthud ia ka shong suk shong sain ha ka Ri ia kine lah ban pyndem bad ki shipai jong ka Ri kila leh ia kane ha kiba bun ki khep.(SP News)
