Jowai Naitung 28: Ka Jaintia students’ Union (JSU) kam pat lah satia ban shim iaka rai la yn pynsangeh noh ne yn iaid beit shakhmat iak prokram iakhih kata daka pakhang Shnong kaba 22 kynta kaba dei ban sdang naduh ka 8 baje janmiet jongka 1/08/2013 bad kut haka 6 baje janmiet jongka sngi ba
bud kata 2/08/2013 namar na ka liang ka Union ka la dawa ba ka jingkular u CM bad Dy CM haka sngi sait jain ha ka por bap lie iaka District Court & Session Judge ha Jowai ka dei beit ban wan daka jingthoh.
Ka JSU ka ong “ Haoid ngi burom bad sngewkmen eh iaka jingkular jong ki arngut ki khilehduh jongka jylla jongngi, hynrei haba phai pat sha ki por bala dep ngi sngewduh mynsiem namar ba kam pat don daka jingthoh”. Ong u President ka JSU.
Lada ka sorkar ka don shisha iaka jingthmu ban pynioh ia kine ki jingdawa kum ba la kular ngi buh iaka jingkyrpad ban ai ruh daka jingthoh (Assurance in Black & White) lane ban pynmih shisyndon iaka rai (Notification) namar kine ki dei ki jingdawa kiba la slem bad kiba don kam eh.
Ia ka rai ba khatduh yn shim lashai ka sngi haka por jan miet ha dien ka jingia kynduh lang ki nongialam ba hakhmat jongka Union. Pynkut ka kyrwoh khubor na u General Secretary.(SP News)
