Shillong, Lber 11: U Bah Dino DG Dympep ha ka jingiashim bynta ka jong u ha ka jingiakren hapoh jingialang jong ka dorbar ka pyrthei ha Geneva ha kaba ia dei bad ka hok long briew man briew u la ong ba ka jingshah leh bein bad shah leh beijot jong ki khynnah kynthei ha ki thain ka dewbah Asia sha ki bynta ba shathi ka long kaba jur bha.
U la ong ba katkum ka jingkhien kaba la buh da ka sorkar pdeng ha India ka jingshah leh beijot jong ki kynthei ka la kiew naka por sha ka por bad kumba kalong mynta ka la kot sha ka 53%. Ia kane u Bah Dino u la kren ha jingialang bah kaba 22 jong ka United nation kaba dang iaid mynta sha khmat ha ka nongbah Geneva.
U la ong ba ha ki bynta ba shathie jong ka dewbah Asia ka jingban bein ka don hapdeng kiba duk bad ki ba riewspah, kane ka jingshah leh beijot kam dei tang b aka ktah ia kato ka briew ha kato ka por hynrei ka ktah ruh ia ka jingim jong ka shilynter bad bunsien kiba duk kim nud ban ong namar ba kim donia ka bor ban leh ei ei.
Ha ka jingkren jong u Bah Dino ha katei ka jingialang jongki ri ka pyrthei, u la ong ba don kam ban leh ei ei bad na ka liang jong ka United Nation ka dei ban hukum ia baroh ki ri jongka pyrthei ba ki dei ban pyntrei kam ia ki ain ban iada ia ki khynnah na ka shah ban bein.(SP News)
