Shillong, Jymmang 19: U Bah Paul Lyngdoh uba dei u working president jong ka United Democratic Party (UDP) u la ong ba ka result kaba mih na kane ka election MP kaba dang shu dep ban pynbna shen kan ym dei satia ban don ka jingiadei bad ka jingneh jong ka Executive Committee jong ka All Regional Parties Alliance (ARPA) ha KHADC. La ong u Bah Paul.
U Bah Paul u la ong “Naduh kaba sdang, la sngewthuh shai ba kine ki ar tylli ki mat kim dei ban don ka jingiadei. Ka rai ban ia don bynta ha KHADC la shim da ka rai jong ka
bor bahalor jong ka party ha ryngkat bad ka jingia sngewthuh lang bad baroh ki MDC”.
u Working President jong ka UDP u Bah Paul u la ong ka jingneh skhem jong ka ARPA hapoh ka KHADC kan shong eh ha u CEM kum u nongialam kumno ban don ka jingiatrei lang kum ka kynhun bad ruh u dei ban pyntikna ba baroh ki dkhot kin ia kmen bad kidei ban ioh mar kajuh ka jingkit khlieh ba kin trei.
Lada ka don ka jingiatreilang hapoh ka EC kane ka Executive committee kaba mynta hapoh ka kyndhun jong ka ARPA kan dang iai neh ban synshar ha KHADC.
Kum ban shu pynkynmaw ba na ka liang jong ka Party HSPDP bad ka KHNAMha kane ka election MP ba dang shu dep ha ka jingialang ka jong ki ha kylleng ki jaka kila ther pyrshah ia u Working President jong ka UDP u
Bah Paul uba dei u kyrtong ba ka party UDP kala pynieng ia u ha kane
ka election MP.(SP News)
