Shillong, Risaw 17: Ka jingpang niangkulia kam dei tang ka jingpang hynrei ka don ka jingiadei 
bad ka ioh ka kot ha ka imlang sah lang . Tang ka lad jingiada kan nym lah ban iarap hynrei don kam ia ka jingiatreilang na baroh ki liang la ka dei na ka sorkar bad ki riew paidbah ruh kum juh.
Ka jingpynlong ia kane ka jingialang ka long ban pynsngewthuh ia ki paidbah ha kaba ia dei bad kane ka jingpang kaba la saphriang sted ha kane ka jylla. Ia kane ka jingialang la pynlong da ka jingiatreilang hadpeng ka Meghalaya AIDS Control Society ka Nongkrem Youth Development Association (NYDA) bad ka Society for Promotion of Indigenous Knowledge and Practice (SPIKAP).
Ha kane ka jingialang baroh ki nongai dawai kynbat khasi kiba la ia poi ki long haduh 71 ngut , ha kne ka jingialang la ia tyrko ba kumno ban pynsngewthuh ia ki paidbah ia kane ka jingpang namar haduh mynta ki briew kiba ioh ia ka ki dang ialeh ban buhrieh ia lade na kane ka jingpang namar ka don ka jingsngewrem.
La kyntu ba kum ki nongai dawai khasi kidon ka jingiadei kaba jan bad ki paidbah ki lah ban pynsngewthuh lang ia kane ka jinglang. Ha ka juh ka por la pynkynmaw ruh ia ka jingkren jong u president ba rim jong ka Ri India u Dr APJ Abdul Kalam ba ki nongai dawai kynbat kin pynlong kam ruh ia ki jingstad kiba kat kum kane ka juk kaba mynta.(SP News)
