Shillong, Naitung 01: Ka tand District Council Affair department dang shen ka la khot ia ka jingialang ia baroh lain gut ki Chief Executive Members jong ki lai tylli ki District Councils ban ia kren halor ka jingphiah ia ki MDC Constituency ha kane ka jylla Meghalaya.
Ki thymmai khubor kiba la ioh da u SP News Agency ki la iathuh ba ha kane ka jingialang baroh lain gut ki CEMs na ki lai tylli ki District Council ki la ia poi bad kita ki long u bah PN Syiem jong ka KHADC, u Bah MB Rymbai jong ka JHADC bad u Cleophas Sangma jong ka GHADC bad ki heh sorkar jong ka tnad District Council Affair ka jylla bad ka jingialang ka la ia kren tang ia kane ka jingphiah ia ki constituency.
Ki thymmei khubor ki iahtuh ba na ka liang jong ka sorkar ka kwah ba ia kane ka jingphiah ia ki MDC constituency kam dei ban long tang ha kawei ne ar tylli ki District council hynrei ka sorkar ka kwah ban long lang ha baroh lai tylli ki District Council.
Na ka liang jong ka JHADC ka la dep ban pyndep ia kane ka jingpynkylla thymmai ia ki District Council bad mynta ka don ha ka tnad DC(A), katba na ka liang jong ka KHADC kan dang shong ia ka dorbar kaba kyrpang ha ka 5 tarik mynta u bnai bad ka GHADC mynta ka dang pynkhreh ia kane ka jingphiah thymmai ia ki MDC constituency.
Kane ka jingpynkreh ban phiah ia ki MDC constituency ha baroh lai tylli ki District Council kan long kaba don kam namar ba ka Election sha ki District Council jong ka jylla kan long ha u snem ban wan 2014.(SP News)
