Shillong, Jymmang 06: Ka kong Ampareen Lyngdoh MLA jong ka Laitumkhrah ryngkat bad ki riew rangbah katei ka thain mynta ka sngi ka la leit sha District Council ban pynpaw ia ka jingpyrshah ba lada ia ka Laitumkhrah ym phiah ha ki ar tylli ki MDC Constituency.
Haba kren ha u SP News Agency ha dien ka jingiakynduh ia ki bor ba dei peit hapoh jong ka Khasi Hills Autonomous District Council (KHADC) ka kong Ampareen ka la ong bad a kane ka jingwan jong ki District kiba thymmai ka jingpynbeit ia ki MDC Constituency ruh ak dei ban long katkum ki District, namar ia ki MLA Constituency ruh la pynwandur katkum ki District.
Ka la kdew ba kumba ka long mynta ka Nongstoin MDC Constituency kam lah ban leit jam sha ka South West Khasi Hills, lane ka thain Sawsymper kaba la wan sha ka East Khasi Hills kam lah ban don sha ka South West Khasi Hills, kum juh ruh ia ka Laitumkhrah MDC Constituency.
Na ka liang jong ka kong Ampareen kaba dei ruh ka myntri ba dei peit ia kikam pynroi ka la ong ba ka District Council ka dei ban peit bad ban bishar bniah ym ban shu leh katba ki sngewbit. Ka jingpyrshah ka jong ka lem bad ki paidbah ka long ba ka don ka jingpynkhreh ban phaih ia ka Laitumkhrah ha ki ar tylli ki MDC Constituency. (SP News)
