Shillong, Nailur 11: Ha ryngkat bad ka pyrthei baroh kawei, ha kane ka nongbah shillong ruh la rakhe ia ka sngi ban pyrshah ia ka jingpyniap ia lade, ia kane ka jingrakhe la pynlong ha Holy Cross Brookdene Hall, Shillong.
Bun na ki nongkren ha kane ka jingrakhe ban pyrshah ia kane ka jingpyniap ia lade ki la ong ba ia kane lah ban iada da ka jingiakren bad ia phylliew jingmud bad kito ki briew kiba don ia kane ka jingpyrkhat ban shim noh ia la ka jingim da kaba pyniap da lade ia lade.
U Director jong ka San-ker Dr Syiem u la ong ba ka jingkiew ha ka jingpyniap jong ki briew ia lade ka long kaba jur bha bad haba shim ia ka jingkhein ha kane ka thain shatei lam mih ngi jong ka Ri India ka dang duna bha hynrei dei ban pynsngewthuh ia ki briew ba dei ban hikai ba ki lah ban kiar na kane ka rukom pyrkhat.
Kane ka jingpyrkhat ban shim noh ia ka ka jong ka jingim ka dei ka jingpang kaba don ha ka jabieng jong u briew bad ia kane ka jingpang lah ban iada da kaba ia syllok bad u ne ka ia kane ka jingpang lah ban ithuh ia ka jingleh jong u briew ne ka briew.
U Additional Director General ki Police (CID), SK Jain u la ong ba h akane ka jylla Meghalaya kine ki jingpyniap ia lade ha kane ka jylla Meghalaya ka la poi sha ka 80 percent bad ki rta ba ki briew ki juh mliem ban leh ia kane ka kam pyniap ia lade ka long hapdeng 15 bad 44 snem.
Kane ka jingpyniap ia lade ka don bun bah ki daw ha ka imlang sah lang, ka long iing longsem bad ka tynrai kaba u ne ka wan, la ong ba ha man ka 3000 ngut ki briew don u wei ba pyniap ia lade. (SP News)
