Shillong, Kyllalyngkot 12: Ka tand shipai kala pynbna ba ia ka jingpynrung kam shipai na ka bynta ki samla ka jylla MIzoram kan long ha Rajiv Gandhi Stadium ha Aizawl bad kan sdang ha ka 15 tarik mynta u bnai.
Ha u snem u ba la dep ki samla na ka jylla Mizoram kiba la wan ban ia shim bynta ki long palat ia ka hynriew hajar ngut bad kiba la shah jied ki long 207 ngut bad ha kane ka kynti kaba mynta ruh kin pynlong biang ia kane ka jingpynrung kam shipai ha katei ka jylla.
Ha kane ka jingpynrung kam kaba mynta ka kynthup na ka bynta ka kam Soldier General Duty, Tradesmen ia kineki kam yn pynlong ha ka 15 tarik mynta u bnai baroh ki samla shynrang kiba dei na ka jylla Mizoram ki lah ban ia shim bynta bad kane ka sngi ka dei ka sngi jong ki Shipai. La btah ia baroh ba ki dei ban poi ha katei ka jaka ha ka por 6 baje mynstep.(SP News)
