Khliehriat Jymmang 21: Ka Jaiñtia Youth Federation (JYF) East Jaintia Hill, hapoh ka jingialam jong u President bah Niwasly Rymbai, u General-Secretary bah John Pala bad ki member kila leit jurip ia ka surok NH-44 naduh phramer haduh Malidor.
ka jingsniew ka surok kadei bym don ki nylla um khamtam ha ka shnong Lad Rymbai bad ter ter. kane ka daw ba la pynlong ia ka JYF ban sngew diaw ne sngew duhnong ba ka sorkar kam shim khia halor kane ka bynta bad ka lap ruh ba ka jingkieng kaba don ha Lad Rymbai MyngKseh ka ap jingma khamtam ha kine ki por slap ia ka leit ka wan jong ki paitbah ka ne ka thain namar ba ka lah ban julor ha kano kano ka por ong u ma rymbai.
Kine ki jingeh ba ki paidbah ki iakynduh ha kane ka surok Jowai Badarpur u long ka wei na ki bud lum jong ka ioh ka kot ka sorkar jylla u ba pyniasoh ia ka Jylla ssam,Mizoram bad Tripura ter ter, ka jingsniew bad khoruh khoram jong u ne u surok ka la paw shynna ba ki bor ba dei khmih kim don jingkit khlieh imat ban maramot bad pynbha ia u ne u surok NH 44, u ba la pyndkhoh shisha ia ka iaid ka ieng ki briew khamtam ki khynthei kiba pun khun kin kha khun ha
shiteng kali lada ki leit hospital na ka daw ba la jur palat ka jingsniew ka surok.
Na ka liang u bah Rymbai nongialam jong ka JYF-EJH u pynpaw ia ka jingsngewkhia ka ba jur ia ka jingbymlah jong ka tnad PWD road ban pyndep ia la ka jong ka kamram kumba la bynshet
ha ki kum ki sahep ban pynbiang ia ki jingdawa jong ki paitbah, ka ne ka lah long ka jingiehbein bad leh bym suid niew ia ka jingdawa ba shong nia da ki nongshongshnong jong ka thain hi baroh kawei.
Kumta ka seng ka dawa na ka sorkar bad PWD ba ki dei ban maramot noh mardor ia u ne u surok u ba long u bud lum jong ka leit ka wan jong ki paitbah na kawei ka jylla sha kawei pat lyngba u ne u surok u ba long ka jingkyrkhu ia ka jylla lyngba ka khaii ka pateng pynkut u kyrwoh khubor ka seng.(SP News)
