Shillong, Naitung 15: Ki khlieh nong synsahr jong ki hima khasi mynta ka sngi ki la leit ban ia kynduh ia u CEM jong ka KHADC ban ai ia ka dorkhas ban pyrshah ban thaw ia ka Village Development Council kumba ka la paw ha ka Village Adminstration Bill, 2013.
Ha kane ka dorkhas na ka liang jong ki khlieh nongsynsahr ki la pynpaw ba ki pyrshah ia kane, lada dei ban leh hap ban pynlong da ka Referendum ban pan ia ka jingbit na ki paidbah. Haba ia dei bad ka ne na ka liang jong u CEM u Bah P N Syiem u la ong ba ia kane ka bill la phah sha ka seclect committee bad lada don kam ym buh shuh ia ki briew ha kane ka Committee ban ia peitbnaih.
Ha kane ka jingia kynduh kaba mynta ka sngi na ka liang jong u CEM u la ia thuh ia kane ka kynhun ki khlieh nongsynshar ba la pynkhreh ia ka draft na ka bynta ka Regional Council hapoh jong ka Sixth Schedule kaba khlem da don party.
Nalor jong kane na ka liang jong ki khlieh nongsynshar ki la kdew ruh ia bun ki kundon ha ki ain jong ka KHADC kaba don kam ban pynkylla ia ki. Na ka liang jong ki khlieh nongsynsahr ki la kyntu ia u CEM ba dei ban thaw ia ka committee ban peit bnaih ha kane ka bynta.
Ha kane ka jingiakren la ia phylliew jingmud ruh ba kumno ban pynbuh ryntih ia ki kyndon ha ki kut ki jaid na ka bynta ka jingsuk ban the la kam ia ka jingshim jaid pathar ban ioh ia ka schedule tribe certificate.
Ha kane ka jingiakynduh na ka liag jong u EM ba dei peit ia ki kam hima sima u Bah L Blah u la don lang bad joint secrtry ba dei ia ki kam elaka u bah W Wanniang u la don lang. Na ka liang jong ki khlieh nongsynshar la lam khmat da u Bah John F Kharshiing ha ka jingiadon lang ki wei ki dei ki khlieh nongsynshar.(SP News)
