Shillong, Nailar 04: Ka jingpynbna jong ka sorkar pdeng ban ai ia ka jylla Telegana da ka sorkar Congress ha ka pynshlur ia kiwei kiwei ki jaid bynriew kiba la ialeh ban dawa la ka jong ka jylla kum ka jaidbynriew Nelapi ki dawa ia ka Gorkha Land kaba hap hapoh jong ka West Bengal, ki Bodo, Karbi Anglong kiba hap hapoh ka jylla Assam bad ha Meghalaya pat ka jylla Garo State.
U president jong ka seng sain pyrthei ka Garo National Council (GNC) u Cliford Marak u ba dei ruh u MLA na Chokpot haba kren ha u SP News Agency u la ong ba ka jylla Garo lada ki ioh kan long ki Distrct jong ka Garo Hills ha Meghalaya bad ki bynta jong ki ar tylli ki District jong ka jylla Assam ka Kamrup bad ka Goalpara kin long ki bynta jong ka Garo State.
U Marak u la ong ba lada ka sorkar pdeng ka lah ban ai jylla Telegana na ka bynta ki jaidbynriew ba kren ia ka ktien Telgu, ka jaid bynriew garo ruh ka dei ban ioh ia ka jylla Garo la ka jong na ka bynta jong ki ba ki kren ia ka ktien Garo.
Kane ka jingialeh ban pynioh ia ka jylla Garo la ka jong kan ialam mynta da ka kynhun kaba la tip kum ka Garo Hills State Movement (GHSM) hapoh jong u Augustine Marak u myntri ka sorkar jylla ba mynshuwa bad ka seng GNC kan ai ka jingkyrshan kum ka seng sain pyrthei.
“ Nga la pyrshang ban kren ia u bah Hopingstone Lyngdoh ban ia kren ia kane ka kam hynrei ngam shym ioh ban kren ia u, nga la wanrah ia ka resolution la ar sien hapoh ka iing dorbar bad mynta ka kynti ruh ngam wanrah biang ia kane ka jingdawa Garo State ha poh jong ka iing dorbar thawain ka jylla.
Halor katei ka jingdaw jylla la ka jong jong ki paidbah Garo, u president jong ka KSU u Bah Daniel Khyriem, u la ong ba ym don ei ei ban ong kane ka dei ka jingthrang ka jong ki bad lada ki ioh ia la ka jong ka jylla kan long kaba bha na ka bynta jong ki bad ngin ia sah para mangi”(SP News)
