Shillong, Naitung 09: U myntri ka tand ialehkai jong ka sorkar jylla u Zenith M Sangma u la ong ba ka jylla ka don kam ia kawei ka jaka kaba yn ithuh kum ka Olympic Bhavan ha kaba baroh ki seng kiba don ka jingiadei bad ki kam ia lehkai kin don ha juh.
Ka jylla ka don kam ban dang pynkhlian shuh shuh ia ki kam ialehkai bad ki samla kane ka jylla ki long kiba tbit bad ki lah ban shah jied wat ban poi ha ki jingialekai Olympic lada ki ioh ia ka jinghikai kaba biang.
Ban pynbeit iaki jingeh kiba ia dei bad ki kam ia lehkai ha kane ka jylla naka liangjong u myntri ba dei peit ia ki kam ia lehkai mynta ka sni u la khot ia ka jingialang kaba kyrpang Meghalaya State Olympic Association (MSOA).
Ha kane ka jingialang kaba la long mynta ka sngi la lap ba ka daw kaba kongsan ka long ba ki seng ba pyniaid ia ki jingialehkai ki don hapdeng ka jingduna pisa. Kumba ka long mynta haduh 18 tylli ki seng kiba dei ia ki kam ialehkai kiba la pyniaosh bad ka MSOA.(SP News)
