Shillong, Naitung 03: Ki dkhot ka seng FKJGP hapoh ka jingialam jong u samla Marbud Dkhar ki la leit ban ia kynduh ia u Director ka Postal Service u Joseph Sailo. U Director ula iathuh,ba ka rukom thung kam ha Branch post master ym donkam ban da leh ia ka interview hynrei ki dei ban thung ia ka kam lyngba ka jingithuh bad jingbit na ki Rangbah shnong jong ki shnong nongkyndong pynban u suprintendent post master ula wanrah shitom da ki khar UP ban thung na shathie ban trei ha kane ka kam.
Kat kum ka jingioh jingtip jong ka seng ki don ki nongweiloi kiba la leit ban pan ia ka form ba ka lait ka kam ha Mawsynram hynrei na ka liang kane ka tnat kim shym la ai ka form katba ia ki khar UP la ai da ka calling letter kane ka dei ka jingleh khlieh shrieh ia kane rukom thung kam ha kane ka tnat da kaba pyrshang ban pynduh ia ki trai ri bad pynrung da ki bar jylla,la ong u Bah Marbud.
Ka FKJGP sengkmie ka kyrpad ia ki rangbah shnong ba da lei lei kim dei ban ai NOC ia kine ki bar jylla bad ka seng kan sa iai buddien halor kane ka kam bad ka seng ka kyntu ruh ba lada don mano mano ban leh khlieh shrieh halor kane ka kam ki paidbah kin sngewbha ba kin pyntip sha ka seng.(SP News)
