Shillong,Jymmang 29: Ka seng Meghalaya Poultry Farmers and Welfare Association (MPFWA) ka seng kaba dei peit ia ki kam Ri Syiar ha ka jylla kala buh ia thong ba lyngba jong kane kan wanrah ia ki lad ioh kam ioh jam ha ki samla kiba la dep ia ki jingpule jong ki kiba khlem ioh ha ki kam sorkar.
Katei ka seng ka juhpynshlur ia ki samla ha kane ka kam Ri Syiar da ka jingiatreilang bad ka ka la kiew bha ha ki kam ri syiar ha kane ka nongbah shillong bad la don ruh ka jingkiew ha kane ka kam ha kaba ki samla kane ka jylla ki la ioh lad ban kam ia lade na ka kam ri syiar bad na ka liang ka sorkar ka la pynshlur shuh shuh ia ki samla ha kane ka kam ban ai jinghikai ha ka tand ri mrad jong ka sorkar jylla ka Rural Research and Training Centre(RRTC).
Hynrei tang hadien katto katne snem hadien ka jingtrei jong ki khynnah samla ki la long kiba jop ha kane ka kam ka kompini kaba nabar kum ka Amrit Poultry bad ka Sona Poultry kaba dei kaba ju pyniaid iew ia ki syiar sha bar ka la sdang ban die ia ki syiar ha kane ka jylla ha ka dor kaba tad bad sdang ia kane ka kam na Ri Bhoi District da ka jingthmu ban khñiot dor ia ki briew kiba im na kane ka kam ha kane ka jylla ha kaba ki samla na kane ka jylla ki la shem jingeh ban ia kop bad kine ki kompini kiba nabar jylla.
U Bah N Nongsiej uba long u Rangbah shnong jong ka Nongjri Ummawbuh haba ia kren bad ki lad pathai khubor mynta ka sngi ula ong,ba ki la wan ban ia kynduh ia u CEM ka KHADC u Bah Ardent Basaiamoit halor ka jingdon jong kane ka kompini kaba nabar namar ba ka jingdon jong kane la pynjakhlia ia ka wahumtrew namar na ka jingdon jong ki syiar ha kane ka jaka ka long da ki phew hajar ha kaba ia ka jakhlia ka mih na kane ka sem syiar la pyntuid beit sha wah tad haduh ba kane ka um na kane ka wah kam long shuh ban leh eiei.
Na ka liang ki arphewtylli ki shnong bad hyriewphew ngut ki rangbah ban leit weng noh ia katei ka jaka ri syiar bad la ai por shibnai ban weng noh ia katei ka jaka ri syiar hapoh ka shibnai bad la ai ka kaiphod sha u DC ban leh eiei halor kane ka kam ha kaba u DC ula phah ia ki magistrate ban don ka jingia jurip lang na ka liang u rangbah shnong bad ki magistrate sha kane ka jaka ri syiar ban lap ia ka jingshisha.
Hadien ka jingiakynduh ki seng ka MPFWA bad u CEM ka KHADC u Bah Ardent Basaiamoit ula ong peit iaki kot ki sla bad ban ai trading licence shuh sha ki bar jylla bad ia kum ka jingai trading license ia ki bar jylla kam nym dei shuh ha ka jingpeit tang uwei u rangbah shnong hynrei ka shong ha ki arphew tylli ki shnong ki rangbah shnong bad ka dorbar shnong.(SP News)
