Jowai, Jylliew 16: Ka Jaintia Youth Federation (JYF-EJH) East Jaintia Hill ka leit ai da ka jingthoh sha u Deputy Comissioner halor ka jingjyllei ki dukan kaid beain bad ki Restaurant ba die kaid pathar ha east jaintia hill.
Ka jingdie kiad pathar ha East jaintia hills ka long ka ba jur bha ha khliehriat, East Jaintia Hills na ka daw ba ki bor ba dei khmih ia ka ain kim don jingkit khlieh ban peit ia ka bha ka miat ka imlang ka sahlang, imat ki bor ba dei peit ia ka tnad excise ki don ka jingia sngewthuh jingmut bad ki nongdie kiad beain, lada ym don ka jingiadei balei kin shuh hun ban peitkai bad matlah ha ba iohi ong u samla Niwasly rymbai President ka JYF-EJH.
Ka daw ba nangjur ki kam sniew ha kane ka thian kum ba la paw ha ki kotkhubor ba man ka sngi ka la pynsuhjer ia ki kynthei khynnah namar ka jingiohmon ki nongdie kiad ban die sha ki nongdih ka wanrah pynban ka jingshlur ia ki ban thaw jingkulmar ha ki shnong ki thaw , ha ing ha sem, ka jingrahbor bad ka jingpyniap briew da ki nongdih kiad dei na ka daw ba long laitlan palat ka tnad excise ong u samla Rymbai.
Ka seng ka ong ba naduh mynshwa haduh mynta ki jingdawa ban pynduh jait ia kine ki jingsniew kiba pyntroin ia ka jaitbynriew kim pat treikam katkum ba la dawa da ki ba bun ki sengbhalang na ri lum jaintia, ka jingslem bad jingbuh teng jong ka tnad excise ban pyndonkam ia ka iktiar la jong kumba la bynshet ha ki, ka wanrah
pynban ka jingjah burom ka ne ka thain kaba dang shu ioh district thymmai ong u President ka seng JYF-EJH.
Kumta na ka liang jong ka seng ka kyntu ia u khliehduh jong ka District bad u heh duh ka tnad pulit (SP) ba ki dei ban shim khia halor kine jingeh kiba wanrah ka jingbymshngain hapoh ka Thain East Jaintia, khnang ba kane ka District thymmai jong ngi kan long kawei na ki District ba wanrah ia ka suk ka sain bad ka nam ka burom ia ka Jylla namar lada ngi phai ha kiwei pat ki liang ka East Jaintia ka dei kawei na ki bynta jong ka Ri india kaba don shibun ki marpoh khyndew bad riewspah tam ha ka Jylla ong u tei u President ka JYF.(SP News)
