Shillong, Lber 13: Ki congress jong ka Mawthadraishan Block ki la pynpaw ia ka jingsngewsih b aka jingrem jong u Bah Boldness L Nongumha kane ka Election MLA kaba dang shudep ka dei ka jingialeh markynti jong ka kong Irin Lyngdoh.
Na ka liang jong ki nongkyrshan ka seng Congress ki la ai ia ka shithi ban pyniba ka kong Irin Lyngdoh ka la mih na ka seng Congress bad la pdiang ia ka shithi phet seng jong ka da ka Meghalaya Pradesh Congrss Committee.
Haba kren ha u SP News Agency, na ka liang jong ki nongkit kam ka seng Congress ki la pyni ba katei ka MDC kaba la jop na ka seng Congress ka la mih na ka party ha ka Congress ha ka 30 tarik kyllalyngkot 2013 bad la pdiang ia ka da u General Secretary jong ka MPCC ha ka 1 tarik Rymphang 2013.
Kum ki nongtrei jongka seng Congress shen kin sa la leit ban dawa na ki nongialam jong ka seng congress ba ia ka kong Irin ym dei ban dang kdup hapoh ka Executive Committee jong u Bah Pynshgnain Syuiem hapoh KHADC.(SP News)
