Shillong, Lber 04: Ka Election ban jied ia u Chairman jong ka KHADC kan longha ka 6 tarik mynta u bnai, ha kaba ka ARPA ka la rai ban pynieng ia ka kong Telinia Thangkhiew bad na ka liang jong ka seng Congress kala rai ban pynieng ia u CEM ba rim u Bah Manstudy Nongrem.
Kumba ka long myta ka jingdon ki dkhot hapoh ka iing dorbar ka long ba ka ARPA hapoh ka jingialam jong u Bah Ardent Miller Basaiawmoit ki don 17 ngut, ka HSPDP ka don 7 ngut, ka UDP ka don 6 ngut, ka KHNAM ka don 4 ngut, katba na ka liang jong ka seng Congress ka don 12 ngut, bad u wei u ba kan shu thung baroh kan long 13 ngut.
Katkum ki thymmei khubor ki iathuh ba na ka liang jong ki seng kiba don ha ka ARPA kila kut jingmud ba kin nym ia shet kylla iwei ia iwei ba kin ia treilang namar ka KHADC ka dei ka nongker nongda ia ka jaidbynriew bad kin trei na ka bynta jongu paidbah.
Na ka liang jong ka seng Congress ruh ka dang thaw ia ki lad ki lynti kumno ban wan biang ha ka bor bad ka jingpyrshang ban ia kroh ia kiwei ki para MDC ka dang iaid na ka liang jong ka seng Congress.(SP News)
