Shillong, Iaiong 08: ka President jong ka Mahila Congress jong ka jylla Meghalaya ka kong Dada War ka la ong ba ka kong wansuk ka dei hok ban ioh long MP Rajya Sbha namar ba ka la dei ka wei ki nongtrei kiba rim hapoh ka seng Congress.
Haba kren ha u SP News Agency ka la ong ba kum ka seng kynthei jong ka seng Congress ki dap da ka jingkmen ba ka party ka la ibit ia ka kong Wansuk ba kan long ka kyrtong na ka bynta ka Bye-Election sha Rajya Sabha jong ka Ri India.
Ka kong wansuk ka la don hapoh ka seng Congress naduh ki por kiba mynshuwa bad kaba kongsan eh ka long ba kane ka long kmie ka la iai neh hapoh ka seng la ka party ka don ha ka bor ne kam don kam juh phet na ka seng Congress. Dei na kane ka daw ba ka nongialam jong ka seng Ka Sonia Gandhi ka la mynjur ia ka kyrteng jong ka Kong Wansuk Syiem.
Ka kong Wansuk ka la leit ban thep ia ka nomination jong ka mynta ka sngi hapoh Assembly Secretariat bad kane kan long ka sien kaba nyngkong ba kum ka long kmie ba kan ioh ia kane ka kam MP Rajya Sabha na kane ka jylla Meghalaya khlem da don ba ia leh pyrshah.
Kumba ka long mynta na ka liang jong ka liang pyrshah ia Meghalaya People Front ka la dep shim ia ka rai ba kan nym pynieng kyrtong ha kane ka Bye-Election sha Rajya Sabha, da kane ka rai jong ka liang pyrshah ka la pynthikna ia ka kong Wansuk ba kan jop khlem da don ba ialeh pyrshah.(SP News)
