SHILLONG FEB., 19; Ka kynhun ba 100 ngut ki samla shynrang bad kynthei jong ka Jylla hapoh ka jingialam jong I Bah Bobby Wahlang bad I Bah K R Nongbri kum ki State Escorting Officer ki la mih mynta ka sngi na Shillong ban ia leit shim bynta ha ka Assam North East Youth Festival ha Guwahati.
Ia katei ka Programme ba lai sngi ka ban sdang naduh ka 19th Feb – 21th Feb 2013 la bei tyngka da ka sorkar pdeng Ministry of Youth Affairs & Sports, Govt. of India ha ryngkat ka jing ia trei lang bad ka sorkar Assam kum shi bynta ban teh song ia ka jing ialong kawei hapdeng ki khun samla jong ka Thain Shatei lam mihngi jong ka Ri India, ka kynhun ki samla jong ka Jylla kin leit ban ia shim bynta ha ki bynta bapher bapher kiba hap ha ki Competitive Events kynthup ia ka FOLK DANCE, FOLK SONGS, ROCK BAND, PHOTOGRAPHY bad kiwei pat ki Competitions. Ha katei ka Assam North East Youth Festival kin don ruh ki Programme kum ka Youth Convention & Seminar, Life Skill Development etc ha kaba ki Resource Persons kiba na Delhi, Chennai bad na kiwei kiwei ki bynta bapher bapher jong ka Ri India kin wan ban ai ka jing hikai kaba kyrpang na ka bynta ki samla.
Ia kane ka kynhun jong ki samla na ka jylla kiba la leit ban ia shim bynta ha katei ka Assam North East Youth Festival la bei pisa da ka Directorate of Sports & Youth Affairs,
Govt. of Meghalaya kum shi bynta ban plie lad plie lynti ia ki khun samla ban kyntiew ia ka sap ka phong kaba u Blei u la kyrkhu kyrpang halor jong ki.(SP News)
