Shillong, Risaw,25:U myntri khynnah jong ka sorkar pdeng uba dei peit ia ka tnad tribal affair jong 
ka sorkar pdeng uu Kishore Chandra Deo ha ka jingkren ka jong ban plie ia ka Monoltih Festival kaba ar sngi ha Mawphlang u la ong ba kum kane ka jingleh kmen ka long kaba don kam namar ka pynneh pynsah ia ka kloshor jong ka jaidbynriew.
U la ong ba kum ka jaidbynriew ka dei ban tip ia la ka jong ka tynrai la jong khamtam eh ka jaidbynriew khasi ka dei ka jaidbynriew rit paid, hynrei wat hapdeng kanre ka jingduna paid ka don pat ia ka kloshor kaba riewpsah ba dei ban pynneh pynsah ia la ka jong ka tynrai.
U la ong ba da ka jingpynlong ia kane ka jingpyninam ia la ka jong ka kolshor kan ia rap ia ki long dien ba kin tip ia kaei kaba ka jaidbynriew ka don bad u la ai ka jingkyrmen ba kane kan nang kiew ha kaba pynneh pynsah ia ka kolshor .
Ha kane ka sngi sdang jong kane ka Monolith Festival kaba ar sngi ki la don bun ki jingshad tynrai, na ki dang bad ki thain bapher bapher jong ka Ri Khasi, na Shella, Na Lyngngam, Na Mawphlang bad kiwei kiwei ki hima, ia kane ka jingshad yn sa bteng la shai ka sngi.
Ha kane ka sngi la pyninam ruh ia ki rukom shet tynrai ia ka bam ka dih jong kane ka jaidbynreiw kab iapher na kawei ka jaka sha kawei pat, ka la don ka jingsam ia ka iiaid Um kaba pyndon kam ha ka knia ka khriam jong u khasi khara.
Ha kane ka sngi ki la don ruh bun ki kynrem ki lyngdang jong kane ka jylla, ka kong Wansuk Syiem MP Raja Sabha, bah DD Lapang, U bah PN Syiem CEM jong ka KHADC bad ki Syiem, ki sirdar, ki Lyngdoh bad bun kiwei ki khleih nongsynsahr.
Kane ka jingleh kmen ka long kum ka jingiakynduh lang jong ka jaid bynreiw ha kaba ki hima bpaher bpaher ki la wan ban ia shim bynt aha kane ka jingleh kmen kaba ar sngi lynter ban wan ban pyni ia la ka jong ka jong ka kolshor ka jong ki.
Hakane ka sngi sdang iaka ne ka festival ha ka jingpeit jong ka KHADC ka long shisha kaba i shonkun bad bun ki paidbah na kylleng ki jaka jong ka ri khasi kila wan ban ia shim bynta ha kane ka festival, bad shibun ki program la ioh ban pyni hakane ka sngi haka jingia shim bynta jongki hima ba pher bapher la ioh ban pyni ha kane ka sngi,kum ki jingshad jingrwai, jingtem tynrai bad ki wei ki wei,hala ki jon gki jong ki jing lehkai , bad kine ki program ha kane ka sngi kala pynshong shit iaki paid bah nong peit kai khamtam eh iaki briew kiba na bar kum ki tourist ,bad ka ne ka pyni ruh ba kum ka jait bynriew khasi ka dang kynmaw ia iaki riti lajong.(SP News)
