Shillong, Kyllalyngkot 26: Ha ryngkat bad ka ri baroh kawei, ka jylla Meghalaya ruh mynta ka sngi kala rakhe ia ka Republic Day kaba 65th da kaba kynmaw burom ia ki riew khraw jong ka Ri kiba la aiti ia lade ban wanrah ia kane ka jingkylla ban ioh ia ka ri kaba lait luid.
Wat hadpeng ka jingpakhang shnong ki paidbah kila ia tuid sha Madan polo ha ka jaka kaba u lat jong ka jylla u Dr K K Pual u la pynher ia ka lama jong ka Ri India. Da ki hajar ngut ki paidbah kila ia poi ban shakhi ia kane ka sngi khraw.
Ha ka jingkren jong u lat u la ong ba ka jylla ka hap ban wanrah ia ki jingkylla na ka bynta ban kyntiew ia ka ioh ka kot da kaba wanrah ia ka lynti rel sha kane ka jylla namar ka long ka jingialehkai kaba lah ban wanrah ia ka jingkiew ha ka ioh ka kot.
La ong ba ka lynti rek kaba nyngkong ha kane ka jylla ka long na Dudhnoi- Mendipather railway ha Garo Hills bad la pynkhreh ban plie ia ka ha u bnai Iaiong mynta u snem. Katba ha Khasi Hills la hap ban buh teng noh na ka daw jong ka jingpyrshah na ki katto katne ki bynta.
Na ka liang jong u Lat u la ong ka long kaei kaei kaba ym lah ban mud dur ban tip ba ki briew ki iakhih ban ioh ia ka lynti rel, katba ha kane ka jylla Meghalaya ka don ka jingiakhih ban pyrshah ia ka lynti rel.
Governor Paul stated that it is rather ironical that while people in other regions of the country agitate to demand railway line, Meghalaya witness agitations opposing railway line. Haba ia dei pat bad ka kad lieng suin u la ong ba ka jylla kam don ia ka kad liengsuin kaba trei kam bha.
Ha kaba ia dei bad ka roi ka par na ka liang jong u Lat ka jylla u la ong ba ka jylla ka la dang kiew ha ki ba bun ki liang, hynrei ki jingdon kam jong ki paidbah ki dang don shibun ki jingduna ha kiba bun ki liang. U la ong ba ka jingshna ia ka surok na Shillong sha Guwahati bad na Shillong sha Nongstoin ka la iaid beit.(SP News)
