Ka Meghalaya ka don ia ka lad ban shna wine na ki soh: M Syiem

Shillong, Naiwieng 09: Ka Forever Young Sport Club, sa shisien ha kane ka kynti kaba mynta ka la pynlong ia ka “ Wine Festival” kaba khatwei ha Shillong. Ka jingthmu jong kane ka long ban pynshlur ia ki paidbah ban shna ia ka wine na ki soh kiba mih ha kane ka jylla.

U Bah M. Syiem president jong kane ka seng u la ong ba ka jylla Meghalaya ka don ia lad ban shna ia ki jaid wine bapher bapher na ki soh kiba mih na kane ka jylla hynrei ka don kam ia ka jingithuh na ka sorkar jylla. Kumba ka long haduh mynta ka dang long beain.

Kane ka wine festival ka long kaba kyrpang na ka bynta ki paidbah kane ka jylla bad kumjuh ia ki briew kiba na sha bar kiba wan ban peit ia kane ka festival namar dei ha kane ba ki briew ki lap ia ki jaid wine bapher bapher kiba la shna da ki briew kane ka jylla na ki soh kiba mih.

Ha kane ka sngi da ki spah ngut ki briew ki la ia tuid ban leit ban mad ia ki wine kiba la shna na ki soh bad dei tang ha kane ka jaka lah ban thied na ki nongdie kiba la wan ban ia shim bynta.(SP News)