Shillong, Jymmang 21: U myntri ba dei peit ia ka tnad GAD u Bah HDR Lyngdoh mynta ka sn
gi u la ialam ia ka jingshim kular ban ia khun pyrshah ia ki kam lehnoh ha kane ka jylla, ha kane ka sngi rakhe ia ka sngi iap jong u myntri rangbah duh bam kwai ha dwar u blei jong ka Ri India U Rajiv Gandhi.
Ha ka jingkren jong u myntri ka sorkar u la kyntu ia ki paidbah nongshong shnong jong ka jylla ba kin pyrshah ia ki kam lehnoh la ka long ha kano kano ka dur. Dei ha kane ka sngi ba u myntri rangbah duh jong ka Ri India u la shah pynbtehi bom ha ki leh bad ka Ri India ka la buh ia kane ka sngi ban kynmaw ia kane ka sngi kam ka sngi ialeh pyrshah ia ki kam leh noh.
Haba kren ha kane ka jingialang kaba la long ha phyllaw jong ka Secretariat na ka liang jong u myntri u la ong ba ka jylla Meghalaya ka la shah lynshop ha ka jingdon jong ki seng lehnoh. Kane ka la ktah ia ka roi ka par jong ka jylla bad kane ka la ktah ruh ia kane ka thain shatei lam mih ngi hi baroh kawei.
Na ka liang jong u myntri u kyntu ia ki samla ba lada ka don kano kano ka jingeh dei ban ia kren bad leh katkum ka lynti ha kane ka ri synshar paidbah. Ki kam lehnoh ki la ktah ia ka khaii pateng. Ia kane ka jingeh yn nym lahb an wanrah ia ka jingsuk da kaba pyndon kam ia ki ktang suloi.
Ha ka jingkren jong u Chief Secretary u ba pyniaid ia kane ka jingialang u la ong ba ka long kaei kaei kaba sngewsih ban iohi ba ka Ri India hi baroh kawei ka shah ktah ha ki kam lehnoh. Ha kine ki khyndait snem ka jylla ka la mad ia kine ki jingeh bad ka sorkar ka la shim ia ki lad ki lynti kumno ban ia leh pyrshah ia kine ki kam lehnoh.
Kiwei ki heh sorkar kiba la don lang ha kane ka sngi ki long Additional Chief Secretary, Mr. P B 0Warjri, Director General of Police, Prem Singh, Director of I & PR, Bah H M Shangpliang, Lem bad kiwei kiwei ki ophisar jong ka sorkar jylla.(SP News)
