Shillong, Naiwieng 11:Ka Kynhun ki Samla na ka Jylla Meghalaya kiba la leit iashimbynta ha ka 3rd North East Youth Festival 2012 ka ba la long ha ka Nongbah Itanagar, Arunachal Pradesh naduh kaba la long lai sngi lynter naduh ka 7tarik bad ka la kut ha ka 10 tarik. Ha kane ka jingleit ia shim bynta kala jop ha ki lai tylli ki jingiakop.
Ka ka Rock band Competition Lyngba ka Kynhun ‘STILL STATUS’, ha ka Guitar Instrumental pat ka Kynhun na ka Jylla lyngba u Samla Jerry Lyngdoh kala wan ha ka Kyrdan ba Ar bad ka Khusnam kaba Lai kala wan lyngba ka Jingjop jong u Samla James Papeng uba la ioh ia ka Jingjop ha ka Kyrdan ba Ar ha ka Young Artist Camp, ka jingiakop dro dur.
Kum ban shu Pynkynmaw ba ia kane ka Kynhun jong ki Samla na ka Jylla kiba la mih na la ka jong ka Jylla ha ka 5 tarik mynta u bnai ban leit iashimbynta ha katei ka 3rd North East Youth Festival 2012 lyngba ka jingbei Tyngka ka Office Directorate of Sports & Youth Affairs, Govt. of Meghalaya hapoh ka jingialam jong U Samla Kitboklang Nongphlang, kum u State Escorting Officer.
Kum u Nongialam, U Samla Kitboklang Nongphlang haba pynpaw sha ki Lad Pathai khubor ula ong “Ka Jingtrei Shitom bad ka Jing Pyndonkam Hok jong ki Khun Samla jong ka Jylla lyngba ka Sap kaba U Blei ula ai bad Kyrkhu Kyrpang halor jong ki Kam Shym la long Lehnohei, hynrei tang katne kam pat biang Satia bad Nga Kyntu ba Kin nang iai Trei Shitom Shuh shuh ba ki dei ban don ia ka Mynsiem Iakhun.
Kane ka mynsiem ia kop ka dei ban don barabor la ka Long ha kano kano ruh ka bynta khnang ban Pynurlong ia kata ka Kyntien Phira ba ‘Ki Samla kidei ka Lawei jong ka Ri bad ka Jaitbynriew’ khamtam ba ka Sorkar Kmie kala Pynbna naduh ba sdang jong u Snem ha ka 12 kyllalyngkot 2012 kaba dei ruh ka National Youth Day lyngba u Myntri barim ba dei Khmih ia ka Youth Affairs & Sports, ka sorkar India u Ajay Maken ba u snem 2012 u dei u Snem uba Kyrpang na ka bynta ki Samla.
Lyngba kane ka Youth Festival ha kaba ka Phang Pdeng lane ka Theme jong ka ka long “YOUTH FOR UNITY” la iashimbynta ym tang ki Samla jong ki 8tylli ki Jylla jong ka Thain Shatei Lam mih-ngi (North Eastern States ) jong ka Ri India hynrei ki Samla na kiwei pat ki 20 Tylli ki Jylla na Ri Thor kum ka Punjab,Bihar,U.P, Himachal Pradesh, Jamu & Kashmir etc ruh kila wan ban iashim bynta lang ha kane ka 3rd North East Youth Festival 2012 ban pynpaw ka jingiatylli (Unity in Diversity).
Watla ka don ka jingiapher ha ka Riam ka beit, ka Ktien ka Thylliej bad ka Rukom Bam hynrei ha kine ki saw Tylli ka Sngi i.e. 7th November – 10th November 2012 la sakhi shisha ia kata ka jingialong kawei jong ki Khun samla na baroh 28 tylli ki Jylla jong ka Ri India.(SP News)
