Shillong, Iaiong 06: Ka jingialang jong ka Meghalaya People Front mynta ka sngi ka la shim ia ka rai ba kin nym pyniengh kyrtong ha kane ka election shiteng samoi sha ka Rajya Sabha ka daw ka long ba ki briew kiba ki kwah basn pynieng kim treh ban wan sha khmat.
U nongai ktien jong ka MPF u Bah Paul Lyngdoh u la ong ba na ka bynta ka election deputy speaker hapoh ka iing dorbar thawaiñ ka Jylla ruh kin nym buh kyrtong na ka daw ba ki sngewthuh kin nym lah ban jop sha ka jingjop.
Ha kane ka jingialang ki la rai ban kin ia trei shitom ban pynkhreh ia ka general election sha ka Lok Sabha kaban long ha u snem 2014.
Na ka liang jong ka MPF kan leit ban ia kynduh ia u speaker jong ka iing dorbar thawaiñ ka Jylla u AT Mandal ha ka sngi nyngkong ban dawa na u ba u dei ban ithuh noh ia ka MPF kum ka kynhun liang pyrshah kaba 13 ngut ki MLA hapoh ka iing dorbar.
La ong ba ka daw ba u speaker ym lah ban ithuh haduh mynta ka long ba u ki MLA ki dei ban don shipew bynta na ka jingdon ki MLA hapoh ka iing dorbar, hynrei ka la don ka por la lai sien mynshuwa ba ki spekar kiba rim ki la ithuh ia u nongialam ka liang pyrshah wat la ki dang tang hynriew bynta na ka jingdon jong ki MLA ha ka iing dorbar.(SP News)
