Shillong, Naitung 31: Ki pulit pulit jong ka jylla Meghalaya ki la shah ban khia bha ha ka kam kaba ki trei bad ka kam kaba ki leh ka long ban pahara ha ki kam sngewbha bad ban ia khun pyrshah iaki kam leh noh bad ban ai jingiada ia ki heh sorkar. Ka jingduna briew hapoh ka tnad Pulit ka la buh ia ki pulit ha ka jingeh kaba khraw.
Ki lad khubor ki iathuh ha u SP News Agency ba ka jingduna jong ki pulit ha kane ka jylla Meghalaya ka long palat ia ka 2000 ngut. Na ka na ka liang jong ka tand kam poh iing ka la pan na ka sorkar ba ka dei ban pyndap noh ia katei kaba duna.
Kane ka jingduna jong ki pulit ka la long khamtam eh ha dien ba la pynmih thymmai ia ki saw tylli ki District ha ka jylla hynrei ka jingtrei kam jong ki pulit ka dang neh hikumjuh lait noh ka jingdon jong ki Superintendent jong ki pulit katba ka jingdon ki pulit ban trei ia ka kam ki long kum juh kumba long mynshuwa.
Ha ka jingiakhun pyrshah ia ki lehnoh, khamtam eh ha Garo Hills kumba ka long mynta ka don ka jingduna jong ki pulit bad ka long kaba eh ia ki heh pulit ban phiah ia ki briew namar kim lah ban trei 24 kynta ki don kam ban shong bad ki kam iing kam sem jong ki.
Ka por ka la dei ba ka sorkar kam hap ban leh ei ei noh na ka bynta kane ka kam namar ka jingduna ki bor pulit ka la ktah lut ia baroh ki kam ha ka ban tem ia ki jingeh kiba mih man la ka sngi.(SP News)
