Shillong, Jymmang 11: U Genenral Secretary jong ka BJP Meghalaya State Unit u Dipayan Chakraborty u ong ba ka myntri ba dei peit ia ka tnad pule puthi ba mynshuw aka la dei ban hiar shuki ban ioh ia ka jingtohkit kaba khuid ha kaba ia dei bad ka jingpynbakla ia ki kot thoh exam kiba ia ialeh ban ioh kam hikai.
Na ka liang jong ka sorkar ka dei ban shim khia ia ka jingkdew kti jong ka CBI, ym tang kata ka la dei ban buh ia ka por ba ka jingtohkit ia kane ka kam ka dei ban dep kumba la buh.Lada ka long kumba ka long mynta kan long kaba eh ban ioh ia ka jingthohkit kaba khuid la kren diaw u nongialam ka BJP.
Haba ia dei bad ka kad liengsuin ha Umroi naka liang jong ka BJP ka ong ba u myntri jong ka sorkar pdeng u la kren lap lah sha ba palat ha kaba u la ong don kam pisa shuh ban shna ia ka Umroi Airport.
Lada ka sorkar pdeng ka shim khia ka la dei ban bthah ia ki lieng suin kiba rit ba kin hiar ha kane ka jaka bad kane kan iarap ia ki nongleit nongwan bad kaba kongsan eh ia ki samla kiba pule sha bar jong ka jylla kin suk ka leit ka wan.(SP News)
