Shillong, Kyllalyngkot 17: Ka long kaei kaei kaba sngewtynnad ban tip ba ka sorkar pdeng kala ithuh ia kane ka dong shatei lam mih ngi jong ka Ri India ba kan long kawei na ki jaka bal ah ban pynmih ia ki jaian khamtam ki jian jong ki jaidbynriew kane ka thain, la ong u myntri rangbah ka jylla u Dr Mukul Sangma.
Ka sorkar jylla mynta kan phah ia ki skhim sha ka sorkar pdeng ka ban iahap dur bad kane ka juk kaba mynta, ia kane u myntri rangbah ka jylla u la kren ha kaba buh ia u mawnongrim ha kaba ia dei bad ka jaka pule kaba la tip kum ka Institute of Fashion Technology ha New Delhi ha kaba u myntri ka sorkar pdeng u Dr Kavuru Sambasiva Rao ba dei peit ia ki kam thain jain u long u kongsan.
Ha ka jingkren jong u myntri ba dei peit ia ka tnad thain jain jong ka Ri u Dr. Kavuru Sambasiva Rao u la ong ba ka NIFT’s kala noh syniang shibunha ki kam thain jain, u la ong ba kane ka kam thain jain mynta kala kylla long kawei na ki lad ai kam haba hap ban da pule bniah kumba kane ka NIFT ka ai.
U Dr. Rao u la ong ba kane kan long ka jaka pule kaba kynsai tam ym tangha ka Ri India India hynrei kan khring ia ki briew jong ka pyrthei ba kin wan sha kane ka jaka pule bad da ka jingpynheh shuh shuh ia kane ka jaka pule kan lah ban dang pynrung shuh shuh ia ki samla pule.
Kane ka skhim kaba la pynlait paidbah mynta ka sngi ka thew kyrpang ia ki briew kiba don ha ki kam thain jain. Ha ka jingkren jong ka MS. Chatterji, Secretary (Textiles) kala ong ba la leh ban leh ia kane da ka jingbeipisa jong ka sorkar pdeng bad ka DDA kala ai shuh shuh ia ka jaka na ka bynta kane ka kam
Ka jinglut baroh na ka bynta kane ka skhim ka long T.62.44 klur bad ia kane ka jingtrei yn trei da ka Delhi State Industrial and Infrastructure Development Corporation Ltd. (DSIIDC). Kane ka jaka ban tei ia kane ka iing ka long 15,688 sq meters bad ynda la dep kane lah ban pdiang haduh 1000 ngut ki samla pule.(SP News)
