Shillong Iaiong 03: U Chairman jong ka North East Student Organization (NESO) u Bah Samuel Jyrwa u la ong ba kum ka kynhun ki samla pule jong kane ka dong shatei lam mih ngi jong ka Ri India kin sa thoh sha ka Delhi University ba ong ba ka dei ban buh biang ia ka subject Alternative kumba ka leh ha kipor kiba la leit noh.
Kane ka jingweng noh na ka syllabus jong katei ka skul bah ka long ban khanglad ia ki samla pule kane ka thain ban ioh rung hapoh kane ka University, naka liang jong une u nongialam kane ka seng samla pule kane ka thain u la ong ba kane baroh ka lah ban dei ka buit poh jong no re namar ba kim kwah ban ki samla kane ka thain kin ioh rung ha katei ka jaka pule.
Ki bor ba dei peit ia ka Delhi University ki dei ban sngewthuh ba ka Ri India ka dei ka Ri kaba la kren da ki ktien bapher bapher kam dei ba la kren tang ia kawei ka ktien, kane ka jingleh ka long ban khanglad ia kiwei ki briew ki bym nang ban kren ia kawei ka ktien kaba ki ki kwah.
La ong shuh shuh ba na ka liang jong ka NESO ka la dep iohi ia kum kine ki jingeh kaba ki samla kane ka thain kin ia kynduh. Dei na kane ka daw ba kum ka seng ka la dep thoh sha ki sorkar jong kane ka thain shatei lam mih ngi ban dawa na ki ba ki dei ban ia kren bad ka sorkar pdeng ba ki University kiba donha NE ki dei ban plié ia ki jingia jinghikai ha baroh ki liang.
Lada kine ki jaka pule ki don ha kane ka thain ki briew kinnym leit sha bar jong ka jylla, ym tang ba ka ktah ia ka ioh ka kot jong ki kmie kikpa hynrei kim ruh ka jingshong shngian, lada ki jingpule baroh ki don ha ki skul bah kiba don ha kane ka thain kan ia rap ia ka ioh ka kot bad ha ka juh ka por ka don ka jingshong shngian.(SP News)
